NWAFU магистранттарының Қазақстандағы халықаралық тәжірибелері

ҚХР солтүстік-батыс ауыл және орман шаруашылығы университетінің (NWAFU) алты магистранты академиялық ұтқырлық бағдарламасы аясында біздің ЖОО-да оқу семестрін сәтті аяқтады.

Қозыбаев университетінде бейіндік пәндер бойынша оқу сабақтарына қатысып, Агротехнологиялық факультеттің профессорлық-оқытушылық құрамы өткізген дәрістерге қатысты, сондай-ақ зертханаларда өсімдік шаруашылығы өнімдері мен биотехнологияның сапасын бағалау бойынша практикалық және зерттеу жұмыстарын орындады. Практикалық дайындық барысында магистранттар ауылшаруашылық өнімдерін талдау мен өңдеудің заманауи әдістерін игере отырып,  тұқым материалдарымен жұмыс істеді.

Бағдарлама аясында білім алушылар өңірдің жетекші ауыл шаруашылығы кәсіпорындарына барды: «Диқаншы» ЖШС, «ПЕТРО-СЕВЕР»ЖШС, «Елім-Қызылжар» ЖШС, «Мамбетов и К» КТ, «Новомихайловское 2003» ЖШС және «Сервис Жарс» ЖШС. Студенттер университеттің агробиологиялық станциясының далалық жұмыстарына барды, бұл оларға алған теориялық білімдерін тәжірибе арқылы бекітуге мүмкіндік берді.

Қытайдан келген студенттер университеттің қоғамдық және мәдени өміріне белсенді қатысты. Олар шетелдік студенттерге арналған «Студенттік көктем» іс-шарасына, облыстық ауыл шаруашылығы көрмесіне қатысты. Мамыр айында ҚХР солтүстік-батыс ауыл және орман шаруашылығы университетімен (NWAFU) ынтымақтастықтың 10 жылдығына арналған іс-шаралар шеңберінде ұйымдастырылған С.Сейфуллин атындағы Қазақ агротехникалық зерттеу университетіне сапарға қатысты.

Академиялық ұтқырлық бағдарламасы білім алушылардың кәсіби құзыреттерін кеңейтуге, университеттер арасындағы халықаралық ынтымақтастықты нығайтуға және мәдени байланысты дамытуға ықпал етті.