Біздің студенттер республикалық «Болашақ тергеушілер» форумына қатысты

М. Қозыбаев атындағы Солтүстік Қазақстан университетінің «Құқықтану» білім беру бағдарламасының төртінші курс студенттері мен оқытушылары Астана қаласында Қазақстан Республикасы Ішкі істер министрлігінің ұйымдастыруымен «Заң мен тәртіп» идеологемасы аясында өткен «Болашақ тергеушілер» республикалық форумына белсенді қатысты.

Форум барысында студенттер тергеу қызметінің жұмысымен, заманауи криминалистикалық технологиялармен және арнайы жабдықтармен танысты. Сонымен қатар тәжірибелі мамандармен пікір алмасып, ішкі істер органдарында кәсіби тұрғыдан даму мүмкіндіктері туралы мағлұмат алды.

Форум университетте алған білімді қылмыстарды тергеу тәжірибесімен ұштастыруға және тергеуші мамандығының жауапкершілігін тереңірек түсінуге мүмкіндік берді.

Іс-шараның ерекше сәттерінің бірі – студенттерге ішкі істер органдарына қызметке шақыру туралы атаулы шақыру қағаздарының табысталуы болды. Бұл – олардың болашақ кәсіби қызметіне бастайтын маңызды қадам.

Мазмұнды бағдарлама мен студенттермен ашық диалог ұйымдастырғаны үшін форум ұйымдастырушыларына алғыс білдіреміз!