24.02.14."Қазақ халқының ұлттық ойындары" атты сайыс түрінде өткен іс-шара

Доцент С.Жуанышпаева, оқытушы Н.Баекина "Қазақ халқының ұлттық ойындары" атты сайыс түрінде іс-шара ұйымдастырды. Бұл шараны өткізудегі басты мақсат - университет қызметкерлерін қазақ халқының ұлттық ойындарымен тереңірек таныстыру. Шараға жаратылыстану ғылымдары және спорт факультетінің оқытушылары белсене қатысты. Іс-шара барысында тақырыпқа қатысты фильм көрсетілді, "Бес асық", "Асық ату", "Тоғызқұмалақ" ұлттық ойындарының шығу тарихы, өзіндік ерекшеліктері жайында толықтай мәлімет берілді, сонымен қатар ұлттық ойындар ойналды, сол бойынша жарыс ұйымдастырылды. Шара соңында ұлттық ойындардың жеңімпаздарына шағын сыйлықтар ұсынылды.