6B10102 Фармация

«Фармация» білім беру бағдарламасының түлегі адам ағзасының физиологиялық және патологиялық жағдайларын бағалай алады, аурулардың профилактикасы, терапиясы және фармакологиялық түзетуінің негіздерін біледі, шұғыл жағдайларда дәрігерге дейінгі көмекті көрсету дағдыларын меңгерген, аурулардың молекулалық және жасушалық механизмдерін түсінеді, микроорганизмдер мен вирустарды анықтау әдістерін қолданады, химия негіздерін және заттарды талдау әдістерін игерген, заманауи технологияларды, статистиканы және деректерді компьютерлік өңдеу әдістерін пайдаланады, этика, деонтология және сыбайлас жемқорлыққа қарсы мәдениет принциптерін сақтайды.
Түлек дәрілік заттарды дайындай және олардың сапасын бақылай алады, синтез, бөліп алу және дәрілік өсімдік шикізатын стандарттау әдістерін қолданады, дәріханалар мен фармацевтикалық кәсіпорындардың жұмысын ұйымдастырады, менеджмент, фармакоэкономика және санитарлық-гигиеналық іс-шаралар міндеттерін шеше алады, дәрілік заттарды ұтымды қолдану бойынша дәрігерлерге, фармацевтерге және пациенттерге кеңес береді, токсикологиялық талдау және сот-химиялық сараптама әдістерін меңгерген, дәрілік заттардың сапасын, қауіпсіздігін және заңнама талаптарына сәйкестігін бағалай алады.

Фармация саласында жалпы мәдени, негізгі, жалпы кәсіби құзыреттерді, провизордың кәсіби құзыреттерін меңгерген, кәсіби өсуге және кәсіби мобильділікке қабілетті білікті тұлғаны қалыптастыру. Қазақстандық және шетелдік еңбек нарығында бәсекеге қабілетті білікті кадрларды даярлау сапасын қамтамасыз ету.

Кәсіптер тізімі: Фармацевт-аналитик, Фармацевт-менеджер

Қызмет түрлері: Фармацевтикалық ұйымдар мен дәрілік заттарды бөлшек саудада өткізу, дайындау, өндіру кәсіпорындары; басқару және фармацевтикалық қадағалау органдары; медициналық ұйымдар; дәрілік заттарды стандарттау және сертификаттау органдары; дәрілік заттардың сапасын бақылау зертханалары; сот-медицина орталығының химия-токсикология бөлімдерінің зертханалары; жедел медициналық жәрдем ауруханалары жанындағы токсикология орталықтары; фармацевтикалық ақпарат органдары; білім беру ұйымдары; ғылым ұйымдары; әлеуметтік қорғау ұйымдары.

Объектілер: Q секциясы, Халықтың денсаулығын сақтау және әлеуметтік қызмет көрсету, 88