Сөздәйектер галереясы
Мектептің жаны – мұғалім. Мұғалім қандай болса, мектеп сондай болмақшы. Яғни, мұғалім білімді болса, ол мектептен балалар көбірек білім алып шықпақшы. Солай болған соң, ең әуелі мектепке керегі – білімді, педагогика, методикадан хабардар, жақсы оқыта білетін мұғалім.
Конституция - ҚР берік тұғыры
ЖОО қабырғасында Конституция күніне орай «Азаматтық қоғам институтының тұрақтылығы мен дамуын қамтамасыз етудегі ҚР Конституциясының рөлі» аймақтық дөңгелек үстел өтті. Жиын барысында мынадай мәселелер талқыланды: азаматтық қоғам құрудағы, жастардың құқықтық мәдениетін қалыптастырудағы ҚР Конституциясының маңызы.
«AMANAT» партиясы «Болашақ» филиалының атқарушы хатшысы Александр Зель баяндамасында қоғамды әділдік жолына бағыттайтын құндылықтарға тоқталып, Конституцияда жазылған қағидаттар және заң алдындағы теңдік барлық азамат үшін әділ қоғам құруға арналған негіз екенін атап өтті. Дөңгелек үстел жұмысына қоғамдық зиялы қауым, мемлекеттік емес ұйымдар мен саяси партиялар, ішкі істер органдарының қызметкерлері және оқытушылар құрамы атсалысты. Мемлекеттік мереке қарсаңында университетіміздің стратегиялық серіктестері мен әріптестерге алғыс хаттар табысталды.
