Көпсайыстан Х Республикалық Универсиада аяқталды. Келіп, атсалысқан барлық қонақтар мен спортшыларға алғыс айтамыз! Студенттер 3 күн бойы өздерінің спорттық қабілеттерін көрсетті!
Жарыстың алғашқы кезеңі тірексіз тұрып пневматикалық мылтықтан 10 метрден ату . Екінші күні спортшылар күш гимнастикасы бойынша сынға түсті. Ұлдар тартылу, ал қыздар жерден көтерілу жаттығуларын жасады. Бүгін көпсайыстың ең әсерлі кезеңі – 3 және 5 шақырымдық шаңғы жарысы болды.
Жарыс қорытындысы бойынша қыздар арасындағы жеке біріншілікте үш кезең бойынша ең көп ұпай жинады:
1 орын – Евгения Лосеева (Қозыбаев университеті)
2 орын – Дариға Дүйсенова (Ахмет Байтұрсынұлы атындағы ҚӨУ)
3 орын – Снежана Колесникова (Сәтбаев университеті)
Ұлдар арасындағы жеке біріншілікте біздің шәкірттер жеңіс тұғырына көтерілді: Никита Изотов, Данила Свиржевский, Аркадий Есман!
Жалпы командалық есепте Қозыбаев университеті жеңімпаз атанды! ЖОО атақты жаттықтырушысы, дене шынықтыру және спорт кафедрасының аға оқытушысы А.В.Наумовтың дайындығымен спортшыларымыз үздік нәтижелер көрсетті. «Күміс»- Ахмет Байтұрсынұлы атындағы Қостанай өңірлік университеті. «Қола»- Сәрсен Аманжолов атындағы Шығыс Қазақстан университеті.
Жеңімпаздар мен жүлдегерлерді құттықтаймыз! Біз көпсайысшыларымыздың жетістіктерін мақтан тұтамыз! Тек алға!