ҚХА кафедрасы мен Әскери кафедра Ұлы Отан соғысы жеңісінің 80 жылдығына орай «Олар Жеңісті жақындатты» тақырыбында ерлік сабағын өткізді.Шара солтүстікқазақстандықтардың Ұлы Отан соғысы жылдарындағы ерліктеріне арналды.
Басты мақсат – жерлестеріміздің ерлігін есте сақтау. Спикерлер арасында Ә.Досмұхамбетов атындағы облыстық дарынды балаларға арналған мамандандырылған мектеп-интернатының мұғалімдері мен оқушылары, Тарихи-мәдени мұраны қорғау және пайдалану орталығының, «Поиск-Саланг» іздестіру қозғалысының мамандары, сондай-ақ университеттің оқытушылары мен білім алушылар бар.Қатысушылар қаза болған және сол сұрапыл соғыстан оралмаған барлық майдангерлерді бір минут үнсіздікпен еске алды.Соғыс жылдарында 90 мыңнан астам солтүстікқазақстандық жұмылдырылғаны белгілі. Кеңес Одағының Батыры атағы 55 жауынгерге берілді, оның 11-і үш дәрежелі Даңқ орденінің иегерлері.
Баяндамашылар жастарды ұлтжанды болуға үндеді. Сабақ барысында ҚХА кафедра меңгерушісі Людмила Гривенная Ұлы Отан соғысы майдандарына қатысқан Қазақстандықтардың ерлігі туралы әңгімеледі. Жеңіске жетер жолда тыл еңбеккерлерінің, ерен ерлік көрсеткен батырлардың үлесі көп болғанын жеткізді. Сонымен қатар жастардың тарихты біліп, елдің саналы, білімді келешегін құруға ат салысуға шақырды.
Іс-шарада 314-атқыштар дивизиясының жауынгерлік жолы, Әбу Досмұхамбетовтің ерлігі еске алынды, Ұлы Отан соғысына қатысушылардың есімін Петропавл қаласының көшелері мен ескерткіштеріне мәңгілік қалдыру мәселелері қаралды. «Поиск-Саланг» іздестіру қозғалысының экспедициялары туралы айтылды.Студенттер фото материалдармен және Ұлы Отан соғысы жәдігерлерінің көрмесімен танысты.
