М. Қозыбаев атындағы Солтүстік Қазақстан университетінде Қытай Халық Республикасының Солтүстік-Батыс ауыл және орман шаруашылығы университетінен (СЗУСЛХ) келген «Агрономия» білім беру бағдарламасының магистранттарына академиялық мобильділік бағдарламасын сәтті аяқтағаны туралы сертификаттар табысталды.
Салтанатты рәсім барысында Университеттің Басқарма Төрағасы – Ректоры Ербол Маратұлы Исакаев сөз сөйлеп, университеттің білім беруді интернационалдандыруға бағытталғанын атап өтті. Сонымен қатар, СЗУСЛХ біздің университетіміздің стратегиялық серіктесі болып табылатынын және екіжақты әріптестік аясында бірлескен ғылыми және білім беру бастамалары дамып келе жатқанын айтты.
Магистранттар өз пікірлерінде оқу үдерісінің жоғары деңгейде ұйымдастырылғанын, тәжірибеге бағытталған білім берудің тиімділігін ерекше атап өтіп, Солтүстік Қазақстанның аграрлық әлеуетімен және қазақ халқының мәдениетімен танысу мүмкіндігі үшін алғыс білдірді.
Академиялық мобильділік бағдарламасы халықаралық ынтымақтастықты нығайтудың және тәжірибе алмасудың сенімді алаңы бола отырып, жас мамандардың кәсіби дамуына жол ашуда.