Сөздәйектер галереясы
Мектептің жаны – мұғалім. Мұғалім қандай болса, мектеп сондай болмақшы. Яғни, мұғалім білімді болса, ол мектептен балалар көбірек білім алып шықпақшы. Солай болған соң, ең әуелі мектепке керегі – білімді, педагогика, методикадан хабардар, жақсы оқыта білетін мұғалім.
ХАЛЫҚАРАЛЫҚ ДӘРІС: ПОРТУГАЛИЯДАН КЕЛГЕН ПРОФЕССОР ТАРИХ, ЭКОНОМИКА ЖӘНЕ ҚҰҚЫҚ ФАКУЛЬТЕТІНІҢ СТУДЕНТТЕРІМЕН КЕЗДЕСТІ
2026 жылдың 2 ақпанында академиялық ұтқырлық аясында Kozybayev University-ге келген Азор аралдары университетінің (Португалия) профессоры Томаш Понси Дентиньоның дәрісі өтті. Дәріске Тарих, экономика және құқық факультетінің «Бизнес және менеджмент» бірлескен білім беру бағдарламасының студенттері қатысты. Шетелдік қонақ экономика және өңірлік даму саласындағы танымал ғалым болып табылады.
Дәріс барысында профессор өзінің ғылыми және практикалық тәжірибесімен бөлісті, экономикалық талдаудың заманауи тәсілдерін және тұрақты өңірлік даму мәселелерін атап өтті. Кездесу студенттердің қызығушылығын тудырды және халықаралық академиялық ынтымақтастық шеңберіндегі білім беру процесінің маңызды бөлігіне айналды.
Бір ай ішінде профессор Томаш Понси Дентиньо Kozybayev University-де тарих, экономика және құқық факультетінің студенттерімен және профессорлық-оқытушылық құрамымен жұмыс істейтін болады. Оның болуы ғылыми жұмыстар мен жарияланымдарды бірлесіп дайындауға, факультет студенттері мен оқытушыларының халықаралық семинарлар мен ғылыми жобаларға қатысуына мүмкіндіктер ашады. 
