Конституциялық реформа жөніндегі комиссия мүшелері студенттермен кездесу өткізді

Қозыбаев университетінде Конституциялық реформаны талқылау комиссиясының мүшелері басқосты. Азаматтық ұстанымдарын білдіру үшін студенттер де жиналды.

Жаңа конституциялық түзетулер Парламенттің рөлін күшейтеді, азаматтардың билікке қатысуын кеңейтеді және заң үстемдігі, үкіметтің ашықтығы және есеп беруі қағидаттарын нығайтады.

Жиын барысында СҚО Қоғамдық кеңесінің төрағасы Ерлан Тоқшалық  Конституцияның жалпы құрылымына жан-жақты тоқталды. Сондай-ақ, университетте, құқықтық мәдениет, азаматтық жауапкершілік және жастардың белсенділік құндылықтары қалыптасатынын атап өтті: «Конституцияда білім мен ғылымның ерекше өз орны бар. 3 бапта білім беруді, ғылым мен иновацияны дамыту, мемлекет қызметінің стратегиялық бағыты ретінде  көрсетілген. Жастар үшін бұл- білім беру бағдарламаларын ғылыми зерттеулерге арналған гранттарды, басым қаржыландыруды және әлемдік деңгейдегі оқыту үшін инфрақұрылым құруды білдіреді».

Ал «Қазақстан тарихы және құқық» кафедрасының медиация кабинеті меңгерушісі Гүлбахша  Мусабаева Конституцияның жекелеген баптарын тарқатып, әсіресе, адам құқықтары мен бостандықтарына қатысты мазмұнға ерекше назар аударды.