«Халықаралық байқаудағы зор жетістік»

Тарих, экономика және құқық факультетінің «Журналистика және әлеуметтік ғылымдар» кафедрасының 2-курс Ж-24қ тобының студенті Амирова Замира Мадияровна халықаралық «Үздік Орталық Азия студенті» байқауында жоғары нәтиже көрсетіп, І дәрежелі дипломмен марапатталды.

Аталған байқау Орталық Азия елдерінің жастары арасында білім, ғылым және қоғамдық белсенділікті дамытуға бағытталған беделді халықаралық жоба болып табылады. Байқау «Жаңа Қазақстан» республикалық инновациялық орталығы мен Инновациялық білім беру орталығының ұйымдастыруымен өтті.

Амирова Замира Мадияровна байқау барысында өзінің терең білімін, жан-жақты дайындығын және жоғары деңгейдегі белсенділігін көрсетіп, қазылар алқасының жоғары бағасына ие болды. Нәтижесінде «Үздік Орталық Азия студенті» атағын иеленіп, І дәрежелі диплом және арнайы төсбелгімен марапатталды.

Студенттің ғылыми жетекшісі – «Журналистика және әлеуметтік ғылымдар» кафедрасының аға оқытушы - Күлайхан Рахмет. Жетекші осы уақытқа дейін конкурсқа ұсынылған материалдарды жоғары деңгейде, кәсіби біліктілікпен дайындап, студенттің осындай жоғары жетістікке жетуіне зор үлес қосты. Осыған орай жетекшіге арнайы алғыс хат табысталды.

Бұл жетістік – студентіміздің табандылығы мен қажырлы еңбегінің, сондай-ақ кафедрамыздағы сапалы білім мен тәлім-тәрбиенің айқын нәтижесі.

Студентіміз бен ғылыми жетекшісін шын жүректен құттықтай отырып, алдағы уақытта жаңа жетістіктер мен биік белестер тілейміз!