Сөздәйектер галереясы
Ғылымды үйренем деген адамның ақыл-ойы айқын, ерік-жігері, тілек-мақсаты ақиқат пен әділдік үшін талап жолында болуы шарт. Жай ләззат іздеу, кәсіп-құмарлыққа ұқсас әрекет онда болмасқа керек.
"Тілі басқа - тілегі бір, жүзі басқа -жүрегі бір" атты фестиваль
2017 жылғы 21 қыркүйек күні М.Қозыбаев атындағы Солтүстік Қазақстан Мемлекеттік университеті Тіл және әдебиет институтының «Қазақ тілі» кафедрасы Қазақстан халқы тілдері күніне арналған «ТІЛ1 БАСҚА – ТІЛЕГІ БІР, ЖҮЗІ БАСҚА – ЖҮРЕГІ БІР» атты дәстүрлі фестиваль өткізді. Фестивальге қатысушыларды М.Қозыбаев атындағы СҚМУ-дың тәрбие жұмысы және әлеуметтік мәселелер жөніндегі проректор, педагогика ғылымдарының кандидаты, профессор Айжан Ермекқызы Кудерина құттықтады. Фестивальге өзбек, неміс, украин, әзірбайжан, еврей, түрік халық өкілдерінің 1,2,3 курс студенттері қатысып, өз өнерлерін ортаға салды. Олар өздерінің ұлттық киімдерін киіп, өз тілдерінде өлеңдерін оқып, ән айтып, би биледі. Кештің ең басты және әсерлі сәті Қазақстан халқының билерінен поппури және «Атамекен» әні болды. Бұл іс-шара түрлі халық арасындағы бірлікті нығайтып, тату-тәтті тұруға, достық қарым-қатынаста болуға тәрбиелейді.