Университет тарих мұражайында бірінші курс студенттері үшін шолу экскурсиялар өтіп жатыр

М. Қозыбаев атындағы СҚМУ-дың бірінші курс студенттерін бейімдеу мақсатында университеттің өткізіп жатқан іс-шаралар аясында ЖОО-ның тарих мұражайында факультет топтарына университеттің тарихы, қызметімен таныстыру үшін экскурсия жүргізілуде.

Мұражайдың бөлімдерінде студенттер СҚО археологиясы мен этнографиясы, факультеттердің, мамандықтардың тарихымен, университет қоғамдық өмірімен танысады. Дәріс залында академик Манаш Қозыбаевтың өмірі және университеттің тарихы туралы фильм көрсетіледі. Шолу экскурсиялар әр факультеттің кестесіне сәйкес қараша айына дейін жүргізіледі.

Әр түрлі себептермен мұражайға келмей қалған студенттер басқа күндері оны көре алады.