Теннис ойынынан жарыс

2018 жылдың  желтоқсанның 22-сі М. Қозыбаев атындағы СҚМУ-да оқытушылар мен қызметкерлер арасында теннис ойынынан жарыс өтті. Дүбірлі додаға университетіміздің барлық факультеттерінің ұстаздары ат салысты. Аталмыш шара «Сергектік және денсаулық» спартакиадасының аясында ұйымдастырылды.

Әрбір команда 2 ер азаматпен әйелден құралды. Ойын үш айналымнан тұрды. Жарыстың негізігі мақсаты – оқытушылар арасында үстел теннисін дәріптеу. Теннис ойыны үлкен шыдамдылықты талап ететін, қарқынды атлетикалық ойын. Сондай-ақ бұл белсенді демалыстың керемет құралы.

Ойынның қорытындысы бойынша педагогикалық факультеттің құрамасы жеңіске қол жеткізді. Жүлделі 2-орынды тарих, экономика және құқық факультеті иеленді. Ал 3-орынға тіл және әдебиет институты жайғасты. Сайыстың соңында барлық жеңімпаздар мен жүлдегерлерге құрмет грамоталары табысталды.