Аймақ басшысы Құмар Ақсақалов «Серпін» бағдарламасымен оқыған түлектермен кездесті

  2021 жылының 25-ші маусымында Солтүстік Қазақстан облысының әкімі Құмар Ақсақалов «Серпін» бағдарламасымен оқуды тәмамдаған түлектермен кездесті. Күн тәртібінде серпіндік түлектерді жұмысқа орналастыру мәселесі талқыланды.

      «Серпін-2050» бағдарламасы 2014 жылы қабылданған еді. Содан бері жыл сайын жергілікті университетте оңтүстік өңірлерден келген жастар оқып жатыр. Өңірде «Серпін» бағдарламасымен келіп, төрт жыл оқып, білімдерін арттырған түлектері аймақ басшысына «Алған дипломдарын олар кәдеге жарата ала ма? Жұмысқа тұрған серпіндіктердің үлесі қандай және оларды өлкеде ұстап қалу үшін нендей шаралар қолға алынған? Серпіндік жас мамандарға тұрғылықты үйлер беріле ме? және т.б.» деген сұрақтар қойылып, қажет жауаптарын ала білді.

      Сонымен қатар, кездесуде «Серпін» бағдарламасымен оқып, өңірімізде жұмыс жасап жатқан мамандар түлектерімізге ақыл-кеңес беріп, өз тәжірибелерімен бөлісті. Серпін бағдарламасымен білім алған түлектер облыста қалып, елге қызмет етуіне бар жағдай жасалынып жатқанын байқалуда.