М. Қозыбаев атындағы СҚУ тұрақты сатып алулар саясаты

1. Кіріспе

1.1. КЕАҚ «М. Қозыбаев атындағы Солтүстік Қазақстан университеті» (әрі қарай – Университет) білім беру және ғылыми орталық ретінде тұрақты болашақты қалыптастыруға қатысады.

1.2. Университет тұрақты даму принциптерін өз стратегияларына, процестеріне және шешімдеріне енгізуді мақсат етеді.

1.3. Тұрақты сатып алу саясаты (бұдан әрі – Саясат) Қазақстан Республикасының заңнамасына, университет жарғысына сәйкес әзірленген және экологиялық, әлеуметтік және басқарушылық факторларды ескере отырып, сатып алуды жүзеге асырудың принциптерін, тәсілдері мен талаптарын реттейді.

1.4. Осы саясат университеттің сатып алу қызметіне ESG принциптерін енгізуге, экологиялық әсерді төмендетуге, әлеуметтік жауапкершілікті қолдауға, экономикалық тиімділік пен ашықтықты қамтамасыз етуге бағытталған, сонымен қатар Қазақстан Республикасының заңнамасына сәйкес жүзеге асырылады

1.5. Университеттің тұрақты сатып алу саласындағы мақсаты – қоршаған ортаға теріс әсерді азайтуға, әлеуметтік стандарттарға сәйкестікті қамтамасыз етуге және ресурстарды басқаруда ашықтықты қамтамасыз етуге ықпал ететін жауапты және тиімді сатып алу процесін ұйымдастыру, ESG принциптері мен Қазақстан Республикасының заңнамасына сәйкес

1.6. Университеттің тұрақты сатып алулар саласындағы міндеттері:

1) Экологиялық, әлеуметтік және басқарушылық аспектілерді ескере отырып, сатып алу қызметіне ESG принциптерін енгізу.

2) Энергия тиімді, экологиялық таза тауарларды сатып алу арқылы экологиялық ізді азайту және қалдықтарды минимизациялау.

3) Жеткізушілердің әлеуметтік стандарттар, соның ішінде лайықты еңбек жағдайлары мен адам құқықтары туралы хабардарлығын арттыруға жәрдемдесу.

4) Шағын бизнес пен өңірлік дамуды қолдау үшін жергілікті және тұрақты жеткізушілерді сатып алу процестеріне тартуға жәрдемдесу.

5) Қазақстан Республикасының заңнамасына сәйкес сатып алу процестерінің ашықтығы мен этикасын қамтамасыз ету.

6) Тұрақты сатып алу және ESG принциптері саласындағы қызметкерлердің біліктілігін арттыру

7) Тұрақты сатып алу тиімділігін бақылау және бағалау, оларды тұрақты түрде жақсарту.

2. Негізгі ережелер

2.1. Университет Қазақстан Республикасының «Мемлекеттік сатып алу туралы» Заңының нормаларын және ішкі тәртіп ережелерін сақтайды.

2.2. Университет сатып алу рәсімдерінде ашықтық пен адал бәсекелестікке кепілдік береді.

2.3. Университет тұрақты тұтыну бойынша ішкі нұсқаулар мен әдістемелік материалдарды жасайды.

2.4. Университет заңнамада рұқсат етілген шегінде тендерлік құжаттаманы дайындау кезінде тұрақтылық аспектілерін ескеруге тырысады.

2.5. Университет мүмкіндігінше және экономикалық тұрғыдан негізделген тауарлар мен жабдықтарды таңдауда энергиялық тиімділігі мен экологиялық аспектілерін ескереді.

2.6. Университет қолайлы баламалар болған кезде бір реттік қолданылатын және қайта өңдеуге қиын материалдарды пайдалануын азайтуды қосқанда, ресурстарды саналы пайдалануға ықпал етеді.

2.7. Университет функционалдық пен қаржылық талаптарға сәйкес болған кезде қайта өңделген және жаңартылған ресурстардан жасалған өнімдерді пайдалану тәжірибесін қолдайды.

2.8. Университет жеткізушілерден еңбек заңнамасы нормаларының және еңбек қауіпсіздігі стандарттарының сақталуын күтеді.

2.9. Университет тұрақты сатып алу және ESG қағидаттары бойынша тренингтер мен семинарлар ұйымдастырады..

3. Жауапкершілік

3.1. Осы саясаттың ережелері университеттің барлық бөлімшелері үшін мүдделі тараптармен өзара әрекеттесуде, соның ішінде қызметті жоспарлау және іске асыру, ішкі нормативтік құжаттарды әзірлеу, ақпарат тарату және басқа коммуникация түрлерін қамти отырып міндетті болып табылады.

3.2. Университет басқармасы Саясатты дамытуды, қолдауды және оны жүзеге асыру үшін ресурстар бөлуді қамтамасыз етеді.

3.3. Мемлекеттік сатып алулар бөлімі «Мемлекеттік сатып алулар туралы» ҚР Заңына сәйкес мемлекеттік сатып алу рәсімін ұйымдастыруға және өткізуге жауап береді, бұл ретте техникалық тапсырмалардың мазмұны мен тұрақтылық қағидаттарына сәйкестігіне сатып алу бастамашылары жауап береді.

4. Қорытынды ережелер

4.1. Тұрақты сатып алу саясаты сыртқы ортадағы өзгерістерге, халықаралық стандарттарға және университеттің басымдықтарына байланысты тұрақты түрде қайта қаралуға жатады. Қажет болған жағдайда оның тиімділігін арттыру үшін өзгерістер мен толықтырулар енгізілуі мүмкін.

4.2. Бұл саясат университеттің тұрақты даму принциптерін енгізуге, ұзақ мерзімді өсуді қамтамасыз ету үшін қолайлы жағдайлар жасауға және университеттің экологиялық, әлеуметтік және басқарушылық бастамаларды қолдайтын жауапты институт ретінде беделін нығайтуға бағытталған стратегиялық бағытын бекітеді