Құттықтаймыз!

НҚБ жобасының ғылыми жетекшісі, бас ғылыми қызметкер, PhD докторы, М. Қозыбаев атындағы Солтүстік Қазақстан университетінің профессоры Дмитрий Берилло әлем ғалымдарының ТОП-2%-ы қатарына алғаш рет енді.

TOPSCINET рейтингіне сәйкес, Дмитрий Александрович полимерлер саласындағы 133 253 зерттеушінің арасында 1 750-орынға ие болып, әлемдік ғылыми қауымдастықтың жетекші мамандарының қатарына қосылды.

Бұл – ғалымның көп жылғы еңбегінің, ғылыми зерттеулерінің жоғары деңгейінің және заманауи химия мен полимерлер ғылымын дамытуға қосқан елеулі үлесінің халықаралық деңгейде мойындалуы.

Профессор Дмитрий Бериллоның негізгі ғылыми зерттеу бағыттары улы металдардан суды тазартуға арналған полимерлік материалдарды, сондай-ақ биомедициналық мақсатта қолданылатын биоыдырайтын полимерлік материалдарды әзірлеумен байланысты. Бұл зерттеулердің іргелі ғылыми маңызымен қатар, оларды тәжірибеде қолдану әлеуеті де жоғары.

М. Қозыбаев атындағы СҚУ ғалымдарының ғылыми әлеуетін дамытуға, перспективалы зерттеулер жүргізуге қолайлы жағдай жасауға және отандық ғылымды халықаралық деңгейде ілгерілетуге жүйелі түрде қолдау көрсетіп келеді.

Дмитрий Александровичті халықаралық деңгейде лайықты мойындалуымен құттықтаймыз! Жаңа ғылыми жаңалықтар ашуына, зерттеу жобаларын табысты жүзеге асыруына, жоғары жарияланымдық нәтижелерге қол жеткізуіне және Қазақстан ғылымының әлемдік ғылыми кеңістіктегі позициясын нығайтуға үлес қосатын жаңа жетістіктерге жете беруіне тілектеспіз!