Академик Манаш Қозыбаевтың 95 жылдығына арналған зияткерлік викторина

2026 жылғы 10 қарашада медицина факультетінде көрнекті қазақстандық ғалым, тарихшы, академик Манаш Қозыбаевтың туғанына 95 жыл толуына орай зияткерлік викторина өткізілді.

Зияткерлік сайысқа екі команда қатысты:

- «Жеңіс пульсі» («Пульс Победы») - 3-курс студенттері, кураторы Мурзабаева Мадина Далбаевна.
- «Тәуекел тобы» («Группа риска») - 2-курс студенттері, кураторы Шилкина Ольга Ивановна.

Іс-шара жылы әрі достық атмосферада, салауатты бәсекелестік пен жеңіске деген ұмтылыс рухында өтті.

Викторина барысында студенттер академик Манаш Қозыбаевтың өмірбаяны, ғылыми еңбектері мен тарихи мұрасы туралы білімдерін көрсетті. Қатысушылардың ерекше қызығушылығын капитандар сайысы мен «Қара жәшік» байқауы тудырды. Бұл кезеңдерде студенттер өздерінің тапқырлығын, зеректігін, логикалық ойлау қабілеттерін және командалық бірлігін танытты.

Зияткерлік сайыс қорытындысы бойынша қазылар алқасы жеңімпаздарды анықтады:

🏆 І орын - «Жеңіс пульсі» командасы (3-курс).

🥈 ІІ орын - «Тәуекел тобы» командасы (2-курс).

Командалар дипломдармен және естелік сыйлықтармен марапатталды. Сонымен қатар ерекше білімділігімен, белсенділігімен және тапқырлығымен көзге түскен студенттерге арнайы дипломдар табысталды.

Викторина медицина факультетінің өміріндегі жарқын әрі танымдық маңызы зор іс-шаралардың бірі болды. Ол студенттердің ой-өрісін кеңейтуге, отансүйгіштік сезімін қалыптастыруға, Қазақстан тарихына құрметпен қарауға және еліміздің көрнекті тұлғаларының мұрасын дәріптеуге ықпал етті.

Іс-шара қатысушыларға көтеріңкі көңіл күй, жаңа білім және ұмытылмас әсер сыйлады!